現今社會，大家經常討論「邊界感」—即是懂得分辨自己與他人的私人空間、情感界線。對於上一代來說，職場有明確的規矩和距離感；但新一代成長於資訊開放、講求平等的環境，說話直接、坦率，反而變得理所當然。
網民在網上平台「Threads」上發文指有位00後實習生，前幾日被70後Manager「請」出房門，場面一度緊張。實習生大膽敲門問Manager：「你噚日做咩唔返工，去咗邊啊？」令Manager當場「爆炸」：「我嘅私人嘢要向你交代？」。一開始，大家都覺得這位Intern實在太「癲」，但細心一想，這種「邊界感薄弱」的情況，其實在新一代身上並不罕見，引來網民熱議。
即睇GenZ實習生大膽行為「引爆」Manager！
事主：公司有個00後實習生Intern，
前幾日畀70後Manager由間房度鬧到出嚟！
原來個Intern有嘢唔做，
走去敲房門問Manager：
「你噚日做咩唔返工，去咗邊啊？」
吓？
Manager㷫過火屎：
「我嘅私人嘢要向你交代？」
開頭覺得個Intern好癲，但諗多陣，
呢種可能就係好多人講嘅
「邊界感薄弱」其實好常見？
網民A：個Intern問得傻！試吓加多句「你噚日無返我哋大家好掛住你」即刻成件事唔同晒！
網民B：Intern：我陣間就叫Uncle炒咗你！
網民C：英國同上司傾吓偈問吓最近點樣係好正常嘅交流，係香港就係挑戰權威嘅問題！
網民D：下屬唔通要做到好似覲見君王咁樣先可以同上司講嘢？
網民E：我反而覺得你公司經理啲管理手法out咗啲，EQ又唔夠，宜家仲用鬧人嗰套？邊Work㗎？
網民F：作為一個00後
我覺得佢其實未必係有心唔尊重老闆！但好多Intern都可能係第一次返工，就會用平時對朋友嗰套對老闆！
網民G：Intern問個Manager噚日去咗邊，可能喺佢個角度係想關心Manager，同佢傾偈拉近關係。
網民H：時代嘅隔膜……
網民I：上司適應咗廿幾三十年嘅「奴隸式管理」！我本身都覺好多00後古古怪怪！但又諗深一層，只係時代不斷在變！
網民J：GenZ唔係應該識尊重職員私人生活咩？今次係GenZ無邊界感，既然Manager請大假，關下屬咩事？
網民K：唔識睇人眉頭眼額！
網民L：我覺得重點佢敲門問！你話平時見面撞到問，我覺得應該可以。但唔會敲門問！
網民M：咩Manager咁大個官威？
網民N：純工作上有關係的人絕對不宜主動問放假的事！
70後、80後強調忠誠度和服從，視加班為常態，對上司有天然的敬畏感。反觀00後，則追求工作與生活平衡，重視自我實現和成長空間，不願為工作犧牲私人時間。他們對公司和上司的期待，是能夠坦誠溝通、被尊重和接納，而不是單向服從。最重要的是，無論哪一代人，最終都會在經歷挑戰和磨合後，找到屬於自己的職場定位和溝通方式，避免不必要的誤會。
Article By CTgoodjobs